top of page

VARSTU AÐ FÁ GREININGU? - spurningar og svör

Speaker

Ef þú hefur nýlega verið greindur með krabbamein í blöðruhálskirtli gætirðu verið hræddur, áhyggjufullur, stressaður eða jafnvel reiður. Það er til fólk sem er til staðar til að styðja þig og það eru líka hlutir sem þú getur gert til að hjálpa þér. Hér að neðan eru svör við einhverjum af þínum spurningum og vísbendingar um það hvernig þú getur tekist á við þetta verkefni!

Hafðu samband við okkur hjá Framför varðandi ráðgjöf um leiðir, aðgang að upplýsingum, tæknilega ráðgjöf, andlegan stuðning og faglega aðstoð - https://www.framfor.is/nygreining

  1. Bæklingur með spurningum fyrir þinn lækni við greiningu

  2. Bæklingur með leiðbeiningum um að segja nánum aðilum þessar fréttir

  3. Vefsíða með upplýsingum fyrir þinn maka

Hjá Ráðgjafarþjónustu Krabbameinsfélagsins starfa hjúkrunarfræðingar, félagsráðgjafar, sálfræðingur og kynfræðingur. Ráðgjafarþjónustan er að Skógarhlíð 8 í Reykjavík og er opin virka daga frá kl. 9-16. Ráðgjafarþjónustan er öllum opin og hægt er að koma án þess að gera boð á undan sér eða hafa samband í síma 800 4040 alla virka daga frá kl. 9-16 eða senda fyrirspurning í tölvupósti á netfangið radgjof@krabb.is og er þeim svarað eins fljótt og hægt er - https://www.krabb.is/radgjof-studningur/hvad-er-i-bodi/um-radgjafarthjonustuna/

Ljósið er með opna tíma fyrir allt fólk sem nýlega hefur greinst með krabbamein. Þátttakendur fá þar fræðslu frá fagaðilum með fjölbreytta reynslu. Tækifæri gefst fyrir umræður og að fá stuðning til að takast á við breytt lífsskilyrði í kjölfar veikinda - https://ljosid.is/fraedslunamskeid-spjall-og-styrking/

 

Ekki gleyma því að tölfræðin vinnur með þér:

  • 90% þeirra sem greinast með krabbamein í blöðruhálskirtli lifa lengur en í 5 ár.

  • 80% þeirra sem greinast með krabbamein í blöðruhálskirtli lifa lengur en í 10 ár.

  • Það látast aðeins 4% af þeim sem greinast með krabbamein í blöðruhálskirtli úr þessum sjúkdómi.

Varstu að klára meðferð?

Ertu maki eða aðstandandi?

Speaker

Það er mikið af góðum upplýsingum þarna úti. Andaðu rólega.
Þú þarft ekki að lesa og melta þetta allt strax. Flestir karlar með þennan sjúkdóm hafa góðan tíma til að átta sig á hlutunum. Flest æxli í blöðruhálskirtli vaxa hægt, svo þú þarft ekki að taka ákvörðun í einhverjum flýti. Fáðu aðstoð frá þínum lækni til að átta þig á því sem þú þarft að vita núna og hvað getur beðið. Þá verður þú rólegri og tekur betri ákvarðanir.

Ákveða hvort þú vilt fá meðferð.
Já, "ef." Vegna þess að æxli í blöðruhálskirtli vaxa oft hægt eða alls ekki, þurfa þau ekki endilega að vera það skaðleg að þú þurfir meðferð strax. Sumir karlmenn ákveða - með sínum læknum - að „vakandi bið“ eftir einkennum og „virkt eftirlit“, að fylgjast náið með krabbameini með prófum, vefjasýni, ómskoðunum og reglulegum heimsóknum til lækna, séu betri kostir en skurðaðgerðir, lyfjameðferð eða geislun. Rannsóknir hafa sýnt að þetta getur verið öruggur kostur fyrir marga karlmenn. Ef æxlið byrjar að vaxa eða ef þú ert ekki sáttur við að „gera ekki neitt“ skaltu ræða við lækninn þinn um hvaða meðferð henti.

Byrjaðu að skoða hugsanlegar aukaverkanir.
Eins mikið og meðferðir berjast gegn krabbameini í blöðruhálskirtli, þá geta þær einnig valdið öðrum vandamálum, svo sem að missa stjórn á þvagblöðru eða skapa vandræði með að ná stinningu. Það fá ekki allir karlmenn þessar aukaverkanir, en þú ættir að ræða við lækninn þinn áður en þú ákveður hvort og hvernig þú meðhöndlar sjúkdóminn þinn. Áhættan getur stýrt þér í átt að einni meðferð fram yfir aðra.

 

Talaðu um þetta við einhvern!!!
Hvort sem það er satt eða ekki, þá er oft sagt að karlmenn byrgi sínar tilfinningar inni. Ef þú hefur nýlega komist að því að þú ert með krabbamein í blöðruhálskirtli gætirðu uppgötvað að það hjálpar að tala um það. Sumum finnst auðveldara að vera opinn með einhverjum sem þeir þekkja ekki of vel. Ef þetta hljómar eins og þú, skaltu prófa sjálfboðaliða, fagráðgjafa eða aðra sem hafa fengið sambærilegt krabbamein eða þekkja þetta umhverfi vel. Við hjá Framför getum aðstoðað þig í þessu. Þegar þér finnst þú vera tilbúinn að ræða við einhvern eða fjölskyldumeðlimi, annað hvort nú eða síðar, hafðu þá í huga:

 

  • Ekki búast við því að hlutirnir verði áfram óbreyttir. Það verða líklega miklar breytingar á þínum nánu samböndum þegar þú lagar þig að því að búa við þitt krabbamein í blöðruhálskirtli.

  • Gakktu úr skugga um að þú gefir hinum aðilanum tækifæri til að tjá sínar tilfinningar.

  • Vertu beinskeittur um það hvers konar stuðning þú heldur að þú þurfir og spurðu þína nánustu um hvað þeir gætu þurft í þessu. Þetta gæti einnig breyst með tímanum.

  • Talaðu um aðra hluti en þinn sjúkdóm. Áhugamálin sem þú deilir og hlutirnir sem þið bæði/báðir njótið geta veitt þér hlé frá streitu og leitt ykkur betur saman.

 

Framför ásamt Krabbameinsfélagi Íslands eru með öflugt stuðnings og ráðgjafaumhverfi og hér að neðan má sjá hluta af þessu umhverfi:

 

  • Sálfræðiþjónusta
    Framför býður upp á sálfræðiþjónustu í samstarfi við Krabbameinsfélagið. Það getur reynt mikið á að fá greiningu um krabbamein og eins að taka þátt í meðferð við krabbameini. Oft getur einnig verið erfitt að stilla sig af eftir meðferð við krabbameini í blöðruhálskirtli. Við þessar aðstæður getur komið upp kvíði og þunglyndi sem þarf að taka á með faglegum hætti. Sálfræðingar hjá Krabbameinsfélaginu eru með mikla reynslu í að taka á þessum málum og hægt er að panta endurgjaldslausan tíma fyrir sálfræðiaðstoð.
  • Almennar upplýsingar við greiningu
    Það getur verið erfitt að fá fréttir um að hafa greinst með krabbamein. Okkar aðilar fara yfir þér með stöðuna og upplýsa þig um hvað þú þarft að vita: 1. Hann sýnir þér upplýsingar um þær meðferðir sem standa til boða. 2. Hann bendir þér á upplýsingar um mögulega aukaverkunum sem hver leið hefur. 3. Hann fer yfir tölfræði um fjölda þeirra sem greinast, fara í meðferð og lifunartíma. 4. Hann fer yfir þá þjónustu og stuðning sem Framför og samstarfstarfs aðilar bjóða upp á. 5. Hann kynnir fræðsluumhverfið hjá Framför.
  • Markþjálfun
    Markþjálfun hjá Framför er samstarfsferli þar sem faglegur aðili aðstoðar þig við að greina þína stöðuna og setja þér markmið um framtíðina. Margir eiga erfitt með að taka fréttum um greiningu, eiga við hugsanir í meðferð eða að móta lífsleiðina eftir meðferð. Hvert verkefni á þessu ferðalagi hefur sína áskorun og markþjálfi aðstoðar þig við að taka á þessu. Viðfangsefni markþjálfara er að losa um þetta og til þess notar hann ákveðna tækni og sérhæfða aðferðarfræði. Að vinna með með markþjálfa er eins og að vinna með íþróttaþjálfara. Hann aðstoðar þig við að greina þá þætti sem þú þarf í þau verkefni sem þú ert að eiga við, vinnur með þér aðgerðaráætlun, hvetur þig á leiðinni og hjálpar þér að til að höndla málin betur. Markþjálfun er án endurgjalds. Fjöldi tíma er samkvæmt samkomulagi hverju sinni. Karlmenn sem eru greindir geta tekið maka með sér í markþjálfun. Markþjálfun hjá Framför er endurgjaldslaus fyrir félags- og styrktaraðila. Öll samtöl eru trúnaðarmál.
  • Jafningastuðningur
    Jafningjastuðningur er fyrir þá sem hafa fengið greiningu, eru í meðferð eða hafa lokið meðferð. Þeir stuðningsfulltrúar sem standa þér til boða eru á svipuðum aldri og hafa áður gengið í gegnum og upplifað sömu aðstæður. Þarna getur þú rætt við reynslubolta um það sem hann hefur upplifað og bætt þannig við þína þekkingu um það hvernig best er að takast á við málin hverju sinni. Þessir stuðningsfulltrúar hafa allir sérhæfða þjálfun til að taka svona samtöl og gera þetta í sjálfboðaliðsstarfi. Öll samtöl eru trúnaðarmál.
Stuðningsumhverfi

Samfélagið hjá Framför:

hopar_godirhalsar.jpg

GÓÐIR HÁLSAR

Stuðningur eftir greiningu

Góðir hálsar er stuðningshópur fyrir karla sem hafa greinst með krabbamein í blöðru-hálskirtli. Mánaðarlegir fundir eru í hverjum mánuði í húsnæði Ráðgjafarþjónustu Krabbameinsfélagsins, Skógarhlíð 8.

hopar_makahopur.jpg

AÐSTANDENDUR

Samvera og miðlun

Makar aðila með greiningu geta átt erfiðara en sá greindi að takast á við verkefnið. Makahópurinn gefur þessum aðilum tækifæri til að heyra hvernig eigi að takast á við þetta (fer af stað haustið 2020).

hopar_friskirmenn2.jpg

FRÍSKIR MENN
Byggja upp lífið

Frískir menn er stuðningshópur fyrir þá einstaklinga sem greinst hafa með blöðru-hálskirtilskrabbamein og hafa möguleika á virku eftirliti og vilja fara þessa leið eftir greiningu á sínu krabbameini.

hopar_markthjalfun.jpg

AÐ FINNA TILGANGINN

Finna leið til jafnvægis

Að fá greiningu á krabbameini getur sett lífið úr skorðum. Framför er með stuðning, upplýsingagjöf og námskeið til að endur-stilla viðhorf til lífsins og að finna endur-nýjaðan tilgang (fer af stað haustið 2020).

hopar_friskirmenn.jpg

STUÐNINGSNETIÐ
Heyra í aðila með sömu upplifun

Ráðgjafaþjónusta Krabbameinsfélagsins er með jafningjastuðning fyrir krabbameins-greinda og aðstandendur. Stuðningsaðilar hafa greinst hafa með  krabbamein eða eru aðstandendur. Smella hér.

personal-1264693_960_720.jpg

HEILSA
Matarræði, hreyfing og félagsmál

Heilsuhópurinn verður fyrir þá sem vilja taka þátt í léttum göngum og fá reglulega fræðslu um mataræði, læra jákvæða hugsun, taka þátt í umræðu og einhverju skemmtilegu (fer af stað haustið 2020). 

bottom of page