Fræðslunetið há Framför er hugsað fyrir karla sem hafa greinst með krabbamein í blöðruhálskirtli og þeirra maka og aðstandendur sem vilja fræðast um hvernig best sé að takast á við þetta krabbamein, en geta ekki mætt til stuðningsaðila eða búa á landsbyggðinni. Þetta snýst um að ná fram betri lífsgæðum í við greiningu, í virku eftirliti, á meðan á meðferð stendur og eftir meðferð fyrir bæði krabbameinsaðila og hans aðstandendur.

​

Á Fræðslunetinu verður í framtíðinni hægt að raða saman fræðslu,  námskeiðum, kynningum og vinnustofum til að mynda heilstætt umhverfi með upplýsingum og fræðslu um krabbamein í blöðruhálskirtli, fá fræðslu sem tengist umönnunarumhverfi maka, sjálfstyrkingu og persónulegan þroska fyrir aðila með krabbamein í blöðruhálskirtli og aðstandendur til að takast á við greiningu, meðferð og lífið eftir meðferð.

​

Dæmi um fræðslu fyrir karla með krabbamein í blöðruhálskirtli

​

• Fræðsluumhverfi fyrir nýlega greinda aðila með krabbamein.

• Upplýsingaumhverfi og vinnustofur fyrir karlmenn sem hafa verið greindir með krabbamein og eru í virku eftirliti eða vaktaðri bið.

• Upplýsingar um meðferðarmöguleika

• Áhrif mismunandi meðferða, líkamlega og andlega

• Áhrif aukaverkana frá mismunandi meðferðum

• Takast á við lífið eftir meðferð, líkamlega og andlega

• Kynlíf og krabbamein
   

Dæmi um fræðslu fyrir maka karla með krabbamein í blöðruhálskirtli
 

• Vera til staðar við greiningu

• Að vera maki karlmanns í virku eftirliti

• Stuðningur maka í mismunandi meðferðum

• Að takast á við það að eiga maka sem hefur lokið meðferð

• Hvað er að vera umönnunaraðili?

• Að passa sjálfa/n sig sem unnönnunaraðila

• Möguleg aðstoð fyrir umönnunaraðila

• Kynlíf og krabbamein

 

Þetta fræðsluumhverfi er hugsað fyrir aðila sem vilja fræðast á eigin forsendum og á þeim hraða sem hentar hverjum og einum. Þetta er einnig hugsað fyrir aðila á landsbyggðinni sem geta ekki ferðast langar vegalendir vegna sinnar heilsu eða fjárhagslegs kostnaðar.

​

Gert er ráð fyrir að byggja upp þetta fræðsluumhverfi á löngum tíma, setja reglulega upp nýja fræðslu, námskeið og vinnustofur. Gert er ráð fyrir að vinna fræðsluefni út frá staðbundnum námskeiðum og vinnustofum (sem er fyrir hendi) inn á þetta rafræna fræðsluumhverfið á netinu.

Það verður líklgega val um tvennskonar þátttökuleiðir:

​

Fræðsluefni verður samsett af mismunandi miðlun s.s. myndböndum, pp skjölum, spurningum og svörum, textaskjölum og öðru fjölbreyttu formi.

​

Þegar grunn efni liggur fyrir, er gert ráð fyrir tveimur þátttökuleiðum:

​

1. Fræðsluefni á eigin vegum - Efni er notað að mestu af þátttakendum án mikillar aðstoðar.

2. Gagnvirkt fræðsluefni með leiðbeinanda  - Gagnvirkt efni þar sem leiðbeinandi er í samstarfi við þátttakanda. Þessi leiðbeinandi getur verið sérþjálfaður kennsluaðili, sálfræðingur, félagsráðgjafi, markþjálfi eða aðili sem þekkir vel það efni sem verið er að fara í gegnum. Þetta værður sett upp í umhverfi þar sem persónuvendarlög eru uppfyllt.