Nánari lýsing á Zoom fundi/þarfagreiningu  29. apríl 2021:

- greining og stefnumótun um uppbyggingu á félagslegu umhverfi, þjónustu, stuðningi og fræðslu á netinu fyrir karla með krabbamein í blöðruhálskirtli

​

Framför telur að mikil þörf sé fyrir sérhæft stuðningsumhverfi á netinu sem byggð verði á þörfum karlmanna með krabbamein í blöðruhálskirtli. Framför er hér að vinna þarfagreiningu á þessu umhverfi varðandi félagslega starfsemi, þjónustu, stuðning og fræðslu fyrir karlmenn með krabbamein í blöðruhálskirtli og þeirra maka.

​

Stefnumótun um aðgengilegt efni á netinu verði útfært á grunni þessarar þarfagreiningar í samstarfi við Ráðgjafaþjónustu Krabbameinsfélagsins og Ljósið. Byrjað verður á að skilgreina hvaða þjónusta sé þegar fyrir hendi hjá þessum eða öðrum aðilum og síðan metið á grunni þeirrar niðurstöðu, hverju þurfi að bæta við og byggja upp varðandi félagslegt umhverfi, þjónustu, stuðning og fræðslu sem ekki er þegar fyrir hendi.

​

Þessi umræða innifelur fræðslu, upplýsingagjöf, félagslega starfsemi og ráðgjöf, réttindaráðgjöf, félagslegan stuðning, jafningjastuðning og annað efni á netinu (með fagfólki frá samstarfsaðilum eins og Ráðgjafaþjónustu ef við á) eða í beinni aðkomu sem þörf verður talið á tengt hverri stöðu í krabbameinsferli karla með krabbamein í blöðruhálskirtli (greining, virkt eftirlit, meðferð, eftir meðferð og umhverfi maka).

​

Umræðuflokkar:

• Fræðsla

• Þjónusta

• Upplýsingar

• Stuðningshópar

• Vinaverkefni/nánd

• Stuðningur maka